کراچی (اعتماد ٹی وی) گائے میں لمپی اسکن کی بیماری کی شناخت کی وجہ سے گائے کے گوشت کی فروخت میں کمی ہو گئی ہے۔ اس کمی کو پورا کرنے کے لئے ہول سیلرز اور پولٹری فارم مالکان نے اپنی من مانی کرنی شروع کر دی ہے۔
214 روپے فی کلو لی گئی مرغی مارکیٹ میں 500 روپے کلو فروخت، مارکیٹ میں کہرام مچ گیا، پھر کہتے حکومت نہیں ٹھیک۔
حکومت کی جانب سے مرغی کی مقررہ کردہ قیمت 214 روپے ہے جبکہ بازار میں مرغی کا گوشت 500 روپے فی کلو فروخت کیا جا رہا ہے۔ حکومت اس سلسلے میں تماشائی بن کر بیٹھی ہے۔
شہریوں کے مطابق ملک میں قوانین کا مذاق بنانا عام بات ہو گئی ہے ۔ سرکار کی مقرر کردہ قیمتوں کا اطلاق ہوتا ہی نہیں ہر دُکاندار اپنی مرضی کے ریٹ رکھ کر چیز فروخت کر رہا ہے۔
