شہناز گل سلمان خان کی نئی آنے والی فلم میں کاسٹ
آن لائن (اعتماد ٹی وی) بگ باس 13 سے شہرت حاصل کرنے والی اداکارہ شہناز گل نے عوام کے ساتھ ساتھ سلمان خان کا دل بھی جیت لیا ۔ جس کی وجہ سے سلمان خان نے فیصلہ کیا کہ اپنی آئندہ فلم میں ان کو شامل کر یں گے۔
سلمان خان نے اپنے کہے پر عمل کر دکھایا۔ اور اپنی آئندہ آنے والی فلم کبھی عید کبھی دیوالی میں شہناز گل کو کام کرنے کی آفر کی ۔ شہناز گل نے میڈیا کو بتا یا کہ وہ سلمان سر کی بہت عزت کر تی ہیں جیسے ہی ان کا فون آیا میں نے ہاں کر دی۔
مزید کہا کہ سلمان خان نے کہا کہ آپ فلم کا معاوضہ بھی خود مقر ر کر لیں۔ آپ کو آزادی دی جاتی ہے۔ اس کے ساتھ فلم میں کام کرنے کی تاریخیں بھی اداکارہ خود مقرر کریں۔ اداکارہ نے تا حال معاوضے سے متعلق بات نہیں کی لیکن انھوں نے بتایا کہ وہ سلمان خان کی فلم کرنے کے لئے پر جوش ہیں۔
کبھی عید کبھی دیوالی میں شہناز گل کےساتھ آیوش شرما کردار نبھائیں گے جبکہ اس فلم میں پوجا ہیج مرکزی کردار ادا کریں گی۔ آیوش شرما اور ظہیر اقبال سلمان خان کے بھائیوں کے کردار میں نظر آئیں گے۔
