چئیر مین واپڈا نے استعفیٰ وزیراعظم کو بھجوا دیا ۔
اسلام آباد (اعتماد ٹی وی) مسلم لیگ ن کے اقتدار میں آنے کے بعد سے بہت سی نوکریوں کے تبادلے کیے جا رہے ہیں ایسا تحریک انصاف کے آئندہ ہونے والے لانگ مارچ کو لے کر کیا جا رہا ہے۔ اس کے برعکس چئیر مین واپڈا کی جانب سے استعفیٰ کو اعلان کیا گیا جس کی وجوہات کا ذکر نہیں کیا گیا۔
چئیر مین واپڈا لیفٹینٹ جنرل ریٹائرڈ مزمل حسین نے گزشتہ روز یہ اعلان کیا کہ انھوں نے اپنے عہدے سے مستعفی ہونے کا فیصلہ کیا ہے او ر اس سلسلے میں انھوں نے اپنا استعفیٰ وزیرا عظم کو بھیج دیا ہے اس استعفیٰ کی وجوہات وہ استعفیٰ قبول ہونے کے بعد بتائیں گے۔ دوسری جانب وزیراعظم نے ان کا استعفیٰ منظور کر لیا ہے۔
چئیر مین واپڈا نواز شریف دور سے اس عہدے پر خدمات انجام دے رہے ہیں ان کو مسلم لیگ ن نے ہی یہ عہدہ دیا تھا۔
وزیراعظم شہباز شریف بھی ان کے کام سے خوش تھے انھوں نے بیان دیا تھا کہ جنرل (ر) مزمل حسین قابل اور محنتی آدمی ہے ادارے کو ان کی ضرورت ہے۔ تحریک انصاف نے بھی اپنے دور میں ان کی ملازمت کی مدت میں توسیع کی تھی۔