حکومت کے بلندو بانگ دعوے کھوکھلے نکلے بس غریب آدمی کی زندگی مشکل کرتے جارہے ہیں۔
لاہور (اعتماد ٹی وی) ملک بھر میں پیٹرولیم قیمتوں میں اضافے کے بعد مہنگائی کا بڑا طوفان آ گیا ہے جس کے بعد سے نان اور روٹی کی قیمتوں میں از خؤد اضافہ کر دیا گیا ہے۔ روٹی کی قیمت 12 اور نان کی قیمت 18 روپے کر دی گئی ہے جبکہ وزیراعلیٰ کی جانب سے سستے آٹے کا اعلان کیا گیا تھا۔
ذرائع کے مطابق تندور مالکان نے یہ اضافہ خود سے کیا ہے اور ضلعی انتظامیہ اس مرحلے پر کچھ نہیں کر سکتی ۔ نان کی قیمت میں5 روپے سے 8 روپے تک اضافہ کیا گیا ہے۔ انار کلی، لکشمی، بیڈن روڈ اور اندرون لاہور میں اپنی مرضی کے نرخ کے مطابق نان اور روٹی کو بیچا جا رہا ہے۔
دکاندار وں کا کہنا ہے فائن آٹے کی قیمت 3900 سے بڑھ کر 6500 تک پہنچ گئی ہے تو پھر ہم کیسے نقصا ن میں روٹی بیچ سکتے ہیں۔ عوام کا کہنا ہے کہ کہاں گئے حکومت کے دعوے مہنگائی کے خلاف نعرے۔ آئے روز مہنگائی کا پہاڑ غریب عوام کی جان لینے کے در پر ہے ۔ اور ریاست خالی ہاتھ لٹکائے تماشہ دیکھ رہی ہے ۔
