گلوکار بلال سعید اور اداکارہ صبا قمر کے نئے گانے ‘قبول ‘ کی شوٹنگ کے تنازعے پر دونوں فنکاروں کی جانب سے وضاحت آگئی۔
گلوکار بلال سعید اور صبا قمر نے انسٹاگرام پر ‘قبول’ گانے کا ٹریلڑ جاری کرتے ہوئے, مشترکہ بیان دیا ہے۔ انہوں نے اپنے بیان میں ٹریلڑ کا حوالہ دیتے ہوئے کہا ہے کہ یہ وہ واحد حصہ ہے جو تاریخی مسجد وزیر خان میں فلمایا گیا تھا۔ یہ میوزک ویڈیو کا تعارفی حصہ ہے جس میں نکاح کا منظر پیش کیا گیا ہے۔ اسے نہ تو کسی طرح کے پلے بیک میوزک کے ساتھ فلمایا گیا تھا اور نہ ہی یہ میوزک ٹریک کا حصہ ہے، شوٹنگ کے وقت مسجد کی انتظامیہ بھی موجود تھی اور وہ گواہ ہیں کہ وہاں کسی قسم کی کوئی موسیقی نہیں چلائی گئی۔ مزید پوری ویڈیو 11 اگست کو سامنے آرہی ہے۔
