نایاب بھیڑیے کی پیدائش پر چڑیا گھر کی انتظامیہ خوشی سے نہال۔
آن لائن (اعتماد ٹی وی) دنیا بھر میں ایسے بہت سے جانور تھے جن کی نسل اب باقی نہیں رہی اور بہت سے ایسے ہیں جو کہ ختم ہونے کے قریب ہیں ایسے ہی ایک بھیڑیے کے بچے کی پیدائش امریکی چڑیا گھر میں ہوئی ۔ اس بھیڑے کو ریڈ وولف کہا جاتا ہے۔
امریکی روڈ آئی لینڈ میں موجود راجر ولیمز چڑیا گھر میں نایاب نسل کے بھیڑے کے بچے کی پیدائش ہوئی۔ جس سے چڑیا گھر کی انتظامیہ کی خوشی کا کوئی ٹھکانہ نہ رہا۔
چڑیا گھر انتظامیہ کی جانب سے اس بچے کی انتہائی خصوصی نگہداشت کی جارہی ہے ۔ اس جوڑے کے نر کی عمر 7 برس ہے جس کا نام ڈیاگونامی رکھا گیا ہے جبکہ مادہ کی عمر 6 برس ہے جس کا نام بریوو رکھا گیا ہے۔
اس جوڑے نے پہلی بار کسی بچے کو جنم دیا ہے۔ بچے کی پیدائش سے قبل ہی انتظامیہ نے اس کا خصوصا ً ایک گھر تعمیر کیا ۔ اس جگہ کیمرے اور سنسرز لگا کر جوڑے کی حرکات و سکنات کا جائزہ لیا جاتا رہا۔
ڈاکٹر ز کے مطابق یہ بچہ بہت تیزی سے وزن بڑھا رہا ہے آئندہ چند مہینے انتہائی اہم ہیں اس کی بھر پور نشوونما کرنی چاہیے 2005 کے بعد سے اب تک ریڈ ووُلف بھیڑے کی یہ پہلی پیدائش ہے۔ ان کی نسل بہت کمیاب ہو گئی ہے ان کی آبادی ایک اندازے کے مطابق 15 سے 20 رہ گئی ہے۔
لیکن بعض تھیوری کے مطابق ان کی تعداد 200 تک ہے۔عالمی تنظیم آئی یو سی این کے مطابق گزشتہ 20 برس سے ریڈ وولف کی نسل انتہائی کم یاب ہونے کے ساتھ ساتھ ناپید ہونے کے قریب ہے۔
