اپنی حکومت کی نصف مدت مکمل کرنے کے بعد وزیر اعظم عمران خان نے اپنے حلقوں کے لئے ترقیاتی فنڈز کے لئے تحریک انصاف (پی ٹی آئی) کے ممبران قومی اسمبلی کے دیرینہ مطالبہ کو پورا کر دیا اور قومی اسمبلی کے ہر ممبر کے لئے 500 ملین روپے گرانٹ دینے کا اعلان کیا ہے۔
یہ فیصلہ بدھ کے روز پارلیمنٹ ہاؤس میں پی ٹی آئی کی زیرقیادت حکمران اتحاد کی پارلیمانی پارٹی کے اجلاس میں کیا گیا۔
وزیر اعظم کی زیرصدارت اجلاس میں اپوزیشن کی تحریک ، آنے والے سینیٹ انتخابات ، براڈشیٹ معاملہ ، 11 کھرب روپے کراچی تبدیلی منصوبہ ، خیبر پختونخوا کرک میں ایک ہندو مندر کو توڑنے کا حالیہ واقعہ ، تھرپارکر ڈویلپمنٹ پیکیج سمیت مختلف امور پر تبادلہ خیال کیا گیا اور پارٹی میں فیصلہ سازی کے عمل میں پی ٹی آئی رہنما جہانگیر ترین کی وطن واپسی پد بھی بات کی گئی۔
وزیر اعظم نے اجلاس میں شرکت کے بعد بتایا کہ ہر ایم این اے اور ایم پی اے کیلئے 500 ملین روپے کا اعلان کیا تاکہ وہ اپنے انتخابی حلقوں میں ترقیاتی کام شروع کرسکیں۔
