دبئی (اعتماد نیوز ڈیسک) ٹی ٹوئنٹی مردانہ ورلڈ کپ میں تین میچ جیت کر پاکستان کی ٹیم، بھارت سے آگے نکل کر آئی سی سی ٹی ٹوئنٹی رینکنگ میں دوسری پوزیشن پر آگئی ہے۔
تفصیلات کے مطابق، ٹوئنٹی فارمیٹ کی رینکنگ میں انگلینڈ پہلے اور بھارت تیسرے نمبر پر موجود ہے۔ ٹورنامنٹ سے پہلے پاکستان بھارت سے 5 پوائنٹس پیچھے تھا، آئی سی سی رینکنگ میں پاکستان کے رینکنگ پوائنٹس 265 ہوگئے۔
یہ بات واضح رہے کہ پاکستان ٹی ٹوئنٹی ورلڈ کپ 2021 میں اب تک بھارت، نیوزی لینڈ اور افغانستان کو شکست دے چکا ہے۔
دوسری جانب قومی کرکٹ ٹیم کے کپتان بابر اعظم نے پاکستان اور افغانستان کے درمیان کھیلے جانے والے ٹی ٹوئنٹی ورلڈ کپ میں مسلسل تیسری کامیابی پر خوشی کااظہار کرتے ہوئے بلے باز آصف علی کے شاندار چھکوں پر اْنہیں شاندار میچ فینیشر قرار دے دیا۔
اسی پر بات کرتے ہوئے پاکستان کرکٹ ٹیم کے کپتان بابر اعظم نے گزشتہ میچ کے چند مناظر کی تصاویر شیئر کیں اور ساتھ ہی ٹی ٹوئنٹی ورلڈ کپ کے تینوں میچ جیتنے پر اللّہ تعالیٰ کا شْکر بھی ادا کیا۔
بابر نے بیانیہ جاری کیا کہ افغانستان نے خوب مقابلہ کیا جبکہ ہماری ٹیم بالخصوص شاہین شاہ آفریدی اور عماد کی جانب سے باؤلنگ کا شاندار مظاہرہ کیا گیا۔اْنہوں نے لکھا کہ فخر زمان نے بھی قابلِ تعریف اننگز کھیلی جبکہ آصف علی کی جانب سے میچ کا شاندار اختتام واقعی قابل تعریف ہے۔
آپ کو بتاتے چلے کہ موجودہ ٹی ٹوئنٹی سیریز میں نے پاکستان نے ابھی تک 3 میچز کھیلے ہیں اور تینوں میں فتح حاصل کی ہے۔
