اسلام آباد (اعتماد نیوز ڈیسک) پاکستان مسلم لیگ نواز کے صدر اور قائد حزب اختلاف شہبازشریف پارلیمنٹ کے مشترکہ اجلاس کو ملتوی ہونے پر شدید تنقید کا نشانہ بناتے ہوئے کہا کہ مشترکہ اجلاس ملتوی ہونے کا مطلب ہے کہ کالے قوانین پر حکومت کو شکست ہوچکی ہے اور حکومت کے پاس اب کوئی اخلاقی حیثیت نہیں رہی، اقتدار میں رہنے کی۔
تفصیلات کے مطابق، شہباز شریف خطاب میں کہا ہے کہ وزیراعظم عمران خان اپنے ارکان اور اتحادیوں پر اعتماد کھو چکے ہیں اب انہیں مستعفی ہوجانا چاہیے جبکہ یوٹرین کی روایت کو برقرار رکھتے ہوئے انہوں نے مشترکہ اجلاس کو ملتوی کر دیا۔
شہباز شریف کا کہنا تھا کہ مشترکہ اجلاس جلد بازی میں بلایا گیا اور پھر عجلت میں ملتوی کر دیا گیا، جس سے حکومت کی غیرسنجیدگی صاف ظاہر ہو رہی ہے۔ ان کا مزید کہنا تھا کہ قانون سازی جیسے حساس اور سنجیدہ معاملے کو بچوں کا کھیل بنادیا گیا ہے اور انتہائی غیر سنجیدگی سے دیکھا جا رہا ہے۔
آپ کو بتاتے چلے کہ جمعرات کو ہونے والا پارلیمنٹ کا مشترکہ اجلاس موخر کردیا گیا ہے
دوسری طرف مہنگائی کا طوفان حکومت سے بے قابو ہوتا جا رہا ہے اور عوام اس کے نیچے پستی چلی جا رہی ہے۔
