بنگلہ دیش (اعتماد نیوز ڈیسک) پاکستان کے بارے میں بنگلہ دیش کے وزیر مراد حسن نے پاکستان کو تذلیل کرنے کی کوئی کسر نہیں چھوڑی، انہوں نے کہا کہ پاکستانی کرکٹ ٹیم نے ڈھاکہ کے سٹیڈیم میں پریکٹس کے دوران پروٹوکول کی خلاف ورزی کرتے ہوئے پاکستان کا قومی جھنڈا لہرایا ہے، جس پر انہیں فورا وطن واپس بھیج دیا جانا چاہیے۔
میڈیا رپورٹس کے مطابق، پاکستان کی کرکٹ ٹیم شیر بنگلہ نیشنل کرکٹ سٹیڈیم میں پریکٹس میں حصہ لیا اور پاکستانی قومی جھنڈا گرائونڈ پر نصب کیا، جس پر سوشل میڈیا پر طوفان بڑھپا ہو گیا۔
میڈیا نے اس معاملے کی طرف توجہ دلوائی اور تصاویر سوشل میڈیا پر وائرل ہو گئی جبکہ بنگلہ دیش کی طرف سے شدید ردعمل سامنے آیا۔
وزیر مراد نے میڈیا سے بات کرتے ہوئے پاکستان ٹیم پر تنقید کی اور کہا کہ ان کے پاس پاکستان ٹیم کے بارے میں کہنے کو کچھ نہیں ہے جبکہ ان کا مزید کہنا تھا کہ لیکن پاکستان ٹیم کی جانب سے پریکٹس سیشن کے دوران پاکستانی جھنڈا لہرانے کو تسلیم نہیں کرسکتے۔
انہوں نے مزید تنقید کرتے ہوئے کہا کہ پاکستان کی ٹیم کی یہ حرکت اس وقت تو بلکل بھی برداشت نہیں کر سکتے، جب بنگلا دیش میں شیخ مجیب الرحمن کی 100 سالہ پیدائش منائی جا رہی ہے۔
ان کا مزید کہنا تھا کہ بنگلہ دیش میں آزادی کی گولڈن جوبلی منائی جا رہی ہے۔ جبکہ انہوں نے کہا کہ ان کے خیال میں پاکستانی ٹیم کو ان کے جھنڈے کے ساتھ واپس بھیجا جانا چاہیے۔
