اعجازالحق نے سابقہ حکومت کے حق میں بیان دے دیا ۔
اسلام آباد (اعتماد ٹی وی) مسلم لیگ (ضیا) کے سربراہ اعجاز الحق نے سابق وزیراعظم عمران خان سے گزشتہ روز بنی گالہ میں ملاقات کی اور انکی حمایت کا اعلان کیا ۔ اس ملاقات میں عمران خان کے ہمراہ سابق وزیر خارجہ شاہ محمو د قریشی بھی موجود تھے۔
اعجاز الحق نے کہا کہ موجودہ حکومت نے جو عمران خان اور شیخ رشید سمیت دیگر اراکین کے خلاف جو مقدمات درج کروائے ہیں وہ ناحق ظلم کرنے کے برابر ہیں۔ اس طرح کے عمل کر کے موجودہ حکومت ملک میں انتشار پھیلا رہی ہے۔
یہ لوگ ملک کو ایک انار کی طر ف لے جا رہے ہیں۔ جس سے کسی بھی وقت کوئی بھی ناخوشگوار واقعہ پیش آسکتا ہے۔ اعجاز الحق نے مزید کہا کہ ملک میں امن کے لئےصرف ایک ہی حل ہو سکتا ہے وہ ہے جلد از جلد نئے اور شفاف انتخابات۔ اعجاز الحق نے کہا کہ تحریک انصاف کے ساتھ عید کے بعد کا لائحہ عمل پر بھی بات کی گئی۔
مسلم لیگ ضیاء کے سربراہ کا کہنا ہے ملکی معاملات میں بیرونی مداخلت قطعی برداشت نہیں کی جا سکتی۔ کسی بھی ملک کے پاس یہ حق نہیں ہے کہ وہ ہمارے اندرونی معاملات میں مداخلت کر کے اپنی مرضی کی حکومت ہم پر مسلط کرے۔ اس تما م واقعات کو نئے انتخابات کروا کر ختم کیا جا سکتا ہے۔
چئیر مین تحریک انصاف عمران خان نے اعجاز الحق کی حمایت پر ان کا شکر یہ ادا کیا اورملک میں امن قائم کرنے کے لئے انتخابات کروانے پر زور دیا۔
