جاوید میانداد نے کپتان کی بلے بازی پر سوال اُٹھا دیا۔
اعتماد ٹ وی! پاکستان کے لیجنڈری اور سابق کپتان کھلاڑی جاوید میانداد نے بابر اعظم کی انگلینڈ سیریز میں پرفارمنس دیکھنے کے بعد کہا کہ اگر کپتانی بابر اعظم کے بلے بازی پر اثر انداز ہو رہی ہے تو ان کو چاہیے کہ یہ بورڈ سے بات کریں۔ جاوید میانداد نے اپنے حال ہی میں دئیے انٹرویو میں کہا ہے ۔
جاوید میانداد کے مطابق کپتانی کا بوجھ بابر اعظم کی بلے بازی کو متاثر کر رہا ہے تو پھر یہ مناسب وقت ہے کہ وہ کرکٹ بورڈ سے بات کر کے اپنی کپتانی کو چھوڑ دیں۔
بابر ایک عالمی معیار کا حامل بلے باز ہے پاکستان کرکٹ بورڈ کو بھی بابراعظم سے سوال کرنا چاہیے کہ کیا تمہاری بلے بازی خراب ہونے کی وجہ کپتانی تو نہیں۔ اگر قیادت کے ساتھ اچھی بلے بازی نہیں کر پارہے تو یہ منصب کسی اور کو دے دیں۔
کھلاڑیوں کے لئے یہ بات سمجھنا ضروری ہے کہ ان کے لئے وہ ملک کا نام بہت ضروری ہے جس کی وہ نمائندگی کر رہے ہوتے ہیں۔
جس دن کھلاڑی یہ بات سمجھ جائیں گے اس د ن ان کی کاکرد گی بھی بہتر ہو جائے گی۔ کھلاڑیوں کو یہ بات ذہن میں رکھنی چاہیے کہ وہ بہترین گیارہ کھلاڑی ہیں اسی لئے پلئینگ الیون میں شامل ہیں۔
