نیوز ڈیسک: ملک بھر میں فی تولہ سونے کی قیمت میں 400 روپے کی بڑی کمی ریکارڈ کی گئی۔
سونا خریدنے کے خواہشمند افراد کیلئے خوشخبری۔۔
تفصیلات کے مطابق بین الاقوامی مارکیٹ میں فی اونس سونے کی قیمت میں 12 ڈالر کی گراوٹ دیکھی گئی اور نئی قیمت ایک ہزار 812 امریکی ڈالر ہو گئی ہے۔
عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ،حیدر آباد، سکھر،گوجرانوالا، راولپنڈی سمیت دیگر جگہوں پر فی تولہ سونے کی قیمت میں 400 روپے کی تنزلی دیکھی گئی اور نئی قیمت 1 لاکھ 12 ہزار روپے ہو گئی ہے۔
