مسلم لیگ (ن) کے کارکنان کی آپسی رنجش  ۔۔۔ اپنے ہی لوگوں کا مذاق بنا دیا، حکومت اور مضبوط ہو گئی

my_admin_user3 years ago01 mins

لاہور (اعتماد ٹی وی) پاکستان تحریک انصاف کی حکومت کو گرانے کے لئے متحد ہوئی جماعتوں نے تحریک عدم اعتما د کے نام سے تحریک چلائی اور اس میں مسلم لیگ (ق) کو بھی شمولیت کی دعوت دی۔

 

 

شمولیت کے لئے وزراتوں کی تقسیم بھی طے کی گئی۔ ہر کسی کے مطالبات کو سامنے رکھتے ہوئے حکومت مخالف اتحاد  کو کامیاب بنایا  جا رہا ہے۔

 

 

ایسے میں کسی پارٹی کے کارکنان کی  آپسی رنجش بہت سے لوگوں کی دلچسپی کا باعث بن رہی ہے۔ ایسا ہی ایک بیان  نجی ٹی وی کے پروگرام میں  مسلم لیگ ن کے رہنما  محسن شاہ نواز نے  میزبا ن کے سوال کے جواب میں دیا۔ جس کو سن کو  تماشائی ہنسی سے لوٹ پوٹ گئے۔

 

 

میزبان نے  وزیر اعلیٰ پنجاب کے حمزہ شہباز کا نام دیا اور پوچھا کہ آئندہ وزیراعلیٰ پنجاب کا عہدہ کیا مسلم لیگ ن کے پاس رہے گا ؟ اور اگر رہے گا تو وزیر اعلیٰ پنجاب حمزہ شہباز بن رہے ہیں؟

 

 

جس پر ن لیگی رہنما محسن شاہ نواز نے  پنجابی زبان میں ایک دلچسپ مثال دی” سارا پنڈ مر جائے میراثی کی باری نہیں آنی”  یہ بات سنتے ہی میزبان سمیت ناظرین کی ہنسی چھوٹ گئی۔

 

 

ن لیگی رہنما نے کہا کہ یہ بات قبل از وقت ہے  تاہم حمزہ شہباز کے وزیراعلیٰ بننے کے کوئی چانسز نہیں ہیں۔ یہ بیان  حمزہ شہباز شریف کے جہانگیر ترین گروپ سے ملاقات کے بعد سامنے آیا ہے ۔

 

 

اس سے قبل حمزہ شہباز شریف نے خود میڈیا سے بات کرتے ہوئے کہا تھا  کہ تحریک عدم اعتماد کو کامیاب بنانے کے لئے کوششوں میں مصروف ہوں اور  جہانگیر ترین کی رہائش گاہ پر ان کے  گروہ سے ملاقات بھی اسی کوشش کا نتیجہ ہے  انشاء اللہ پنجاب کا اگلا وزیر اعلیٰ میں خود ہو نگا۔