ٹوئیٹر بنانے والوں نے کیسے دھوکے سے اپنے ہی دوست کو اس کمپنی سے نکالا، وہ کون تھا اور اس کے ساتھ کیا ہوا، جانئے

ٹویٹر ایک سوشل نیٹورکنگ سروس ہے جس کی مدد سے لوگ اس ویب سائٹ پر ٹویٹس کے نام سے اپنے خیالات شیئر کرتے ہیں اور اپنی پسندیدہ ٹویٹس کو ری-ٹویٹس بھی کر سکتے ہیں۔

ٹویٹر کی تخلیق 4افراد : ایون ویلیم، نواَہ گلاس، کرسٹوفر اور جیک پیٹرک نے کیا۔ اس کی کہانی 2005 میں شروع ہوتی ہے جب نواہ گلاس نے اوڈیوکے نام سے ایک سروس شروع کی تھی، جو ایک آڈیو محفوظ کرنے کی سروس تھی۔اس کو اس کے لئے ابتدائی انوسٹمنٹ کی ضرورت تھی۔ نواہ گلاس کا پڑوسی ایون ویلیم جو کہ گوگل کا ملازم رہ چکا تھا، اور حال ہی میں اس نے بلوگنگ گوگل کو بیچ کر اچھی خاصی رقم بھی اکٹھی کر لی ہوئی تھی، جب اس کو اوڈیو کے بارے میں پتا چلا تو اس نے انوسٹمنٹ کی حامی بھر لی۔ یوں اس کمپنی میں دونوں برابر کے حصے دار ہوگئے۔

اوڈیو کی سروس کو شروع ہوئے ابھی کچھ ہی ماہ ہوئے تھے کہ ایپل کے سالانہ ایونٹ میں سٹیو جان نے آئی پوڈ اور آئی ٹیونز کے لئے فور کاسٹنگ کی سہولت دینے کا اعلان کیا تو اوڈیو کا کاروبار چلنے سے پہلے ہی ختم ہو گیا۔ ایون نے کمپنی بند کرنے کا مشورہ دیا۔ جبکہ نواہ نے فوری طور پر کمپنی بند کرنے کی بجائے اپنے ملازمین کو اوڈیو کے مطلق مختلف خیالات پر کام کرنے کا مشورہ دیا۔