قومی احتساب بیورو (نیب) نے مسلم لیگی رہنما خواجہ محمد آصف کے کشمالہ طارق کو کروڑوں روپے منتقلی کے معاملے کی تحقیقات کا آغاز کر دیا۔
ذرائع نے انکشاف کیا ہے کہ خواجہ محمد آصف، جو 14 روزہ جسمانی ریمانڈ پر نیب کی تحویل میں ہیں، نے 120 ملین روپے کشمالہ طارق کے بینک اکاؤنٹ میں منتقل کیے۔ سابق وزیر خارجہ کے فرنٹ مین ، جاوید وڑائچ سے یہ رقم دو بار کشمالہ طارق کے بینک اکاؤنٹ میں منتقل کی گئی۔
تفصیلات کے مطابق 70 ملین روپے کی رقم جنوری 2015 میں کشمالہ طارق کے بینک اکاؤنٹ میں منتقل کی گئی تھی۔ جس میں سے کشمالہ نے مئی 2015 میں 50 ملین روپے پانچ مراحل/ٹرانزیکشن کے ذریعے نکلوا لئے تھے۔
مزید پڑھیے: مریم نواز نانی کے حقیقی روپ میں، بہت ہی دلکش ویڈیو، مزاق اڑانے والوں کے منہ بند
اسی طرح 50 ملین روپے آن لائن منتقل کیے گئے۔ کشمالہ نے مارچ میں 30 ملین روپے اور آگست 2016 میں 40 ملین روپے نکلوائے۔
ذرائع نے مزید انکشاف کیا کہ کشمالہ طارق نے پنجاب انٹرپرائزز کے ایک اکاؤنٹ میں خطیر رقم منتقل کی ، جو وڑائچ کے نام پر رجسٹرڈ ہے۔
29 دسمبر 2020 کو خواجہ آصف کو نیب حکام نے آمدنی کے ذرائع کے مقابلے میں غیر معمولی دولت رکھنے کے الزام میں پکڑا تھا۔
